சர்வாதிகாரம் நடுவீட்டில்

ஜனநாயக நாட்டின்
நாடகங்கள் கூட
நிர்ப்பந்தத்தால்
நடிக்கப்படுகின்றன
சர்வாதிகாரம்
நடுவீட்டில்
யார் என்ன செய்யமுடியும்?

ஒரு நாடு ஒரு இனம்

வெருட்டி,எழுதி தந்து
சுலோகங்களை பிடிக்கச் சொல்கிறார்
சிங்களரும் அடிவருடிகளும்
நாம் என்ன செய்ய முடியும்?
ஒரு நாடு ஒரு இனம் 

கூலிக்கு கழுவுகிறான் கூலி

என்னடா கேவலம் இது?
தமிழனுக்கு எதிராய் 
   தமிழன் என்று சொல்பவன் 
   சாட்சி சொல்ல ஜெனிவா போகிறான் ?
   மகிந்தவின் இரத்தக்கறையை 
   கூலிக்கு கழுவுகிறான் கூலி   




e

விழிகள் நனையும் பொழுது நீண்டு போயிற்று

 





கிளிகள் பாடும் வாழ்வு
கீற்றாய் கிழிந்து போயிற்று
கிளிகள் வாழ்ந்த கூடு
நாராய் தூர்ந்து போயிற்று
விழிகள் நனையும் பொழுது
நீண்டு போயிற்று 

மலையோரம் வீசும் காற்று

மலையோரம் வீசும் காற்று
கடலோரம் தாவும் அலைகள்
வயலோரம் தழுவும் பசுங்காட்சி
கோவிலில் கேட்கும் மணியோசை
கிராமத்தை தாலாட்டும் தென்றல்
இழந்ததில் இவையும் 

மீண்டும் மனிதனிலிருந்து குரங்கு வருமா?( இது 350 வது பதிவு )

குரங்கில் இருந்து மனிதன் வந்து
செய்த கொடுமைகள் போதும் என்று
மீண்டும்
மனிதனிலிருந்து
குரங்கு வருமா?
குரங்கு கூர்ப்பில் உயர்ந்ததா?
மனிதம் செத்து
களவற்ற மனம் உயிர்க்குமா?

மனித கொடுமையை
குரங்கு பாவமாய் சுமப்பதா?

அழிவுதான் பெரிதாகப்போகிறது

துள்ளித்திரிந்த வாழ்வு
உயிரைக் காக்க உரத்துக்கத்தியும்
உலகம் சேர்ந்து
எங்களை விழுங்கிற்று
எத்தனை காலம்
எமை பயமுறுத்தி வாழ்வர்
இவ்விஞ்ஞானஉலகில்
அழிவுதான் பெரிதாகப்போகிறது   

இயற்கையின் இருப்பே வாழ்க்கையின் இழை

இயற்கையின் இருப்பே 

வாழ்க்கையின் இழை

இயற்கையை 

மனிதன் அழிக்கிறான்

தான் அழிவதற்காய்.  

வாழ்க்கை விசித்திரமானது

வாழ்க்கை விசித்திரமானது 

வசதிகள் 

மனிதர்களுக்குள் 

வேற்றுமையை விதைக்கின்றன 

மனிதர்கள் இறப்பார்கள் 

என்று 

மனிதர்களுக்கு தெரிந்தும் 

மனிதனின் ஆசைக்கு 

அளவு இல்லை 

இவர்களின் கனவு ஒருநாள் நனவாகாமல் போகாது

தமிழன் தளரா முயற்சியின் 

நவீன வடிவம் 

விழ விழ எழும் மனிதம் 

உழைப்பின் உச்சத்திலும் 

இழப்பின் உச்சத்திலும் 

தளராதவன் 

இவர்களின் கனவு 

ஒருநாள் நனவாகாமல் போகாது 

எப்போதும் எம்மினம் பற்றி சிந்திக்கவேண்டியிருக்கிறது

வாழ்வு குறுகியது 

முயற்சி ஒன்றே 

எமை தக்கவைக்கும் 

எப்போதும் 

எம்மினம் பற்றி 

சிந்திக்கவேண்டியிருக்கிறது 

இனத்தை காக்க 

வேண்டிய பொறுப்பு 

மனிதர்களிடம் ஒட்டியிருக்கிறது 

இனி அவரவர் பொறுப்பு   

ஊன்று கோல் தரும் புனர்வாழ்வு

பறந்த வாழ்வை இழந்து 

தங்கி வாழும் செத்த வாழ்வு 

சிறகடிக்கும் மகிழ்வை பறித்து 

ஊன்று கோல் தரும் புனர்வாழ்வு   

காலை விடிவது மனிதருக்கு மட்டுமல்ல.

அழகில் அமிழாத மனம் உண்டோ?

சுதந்திரம் கிடைப்பின் 

வாழ்வு இப்படி இருக்கும்.

காலை விடிவது மனிதருக்கு மட்டுமல்ல. 

தான் வாழ்ந்தால் போதும் என ஆசைப்படும் நர உலகம்

சமத்துவம் அற்ற உலகம் 

அதிகாரம் செலுத்த,

தட்டிப்பறித்து 

தான் வாழ்ந்தால் போதும் என 

ஆசைப்படும் நர உலகம் 

தான் வாழ காட்டிக்கொடுக்கும் 

கீழ் உலகம் 

மனிதம் பேசியே 

மனிதனைக்கொல்லும் 

மாய உலகம்