வரலாறு காயங்களால் நிரம்பியிருக்கிறது

எம் பூர்வீக மண்ணில்

ஆக்கிரமிப்பு சின்னம்-அதற்கு

வெற்றிக்கொண்டாட்டம் வேறு

ஒரு மண்ணின்,இனத்தின் அழிவில்

அடுத்தவருக்கு கொண்டாட்டம்

அழிந்த இனத்தின் 

எச்சங்களுக்கு வாழ்வே திண்டாட்டம் 

வரலாறு 

காயங்களால் நிரம்பியிருக்கிறது 

                                                      -செல்வி-

தலை கீழ் வாழ்வு

அழகிய எங்கள் வாழ்வு

தலை கீழாய் போனது 

மங்களம் நிறை சிறப்பு

அமங்கலமாயிற்று 

பிறப்பு 

இறப்பாயிற்று 

                                           -செல்வி-

வரலாறு சொல்லி அழுகிறது

அரசு -தமிழர் கூட்டமைப்பு 

பேச்சுவார்த்தை 

உலகை ஏமாற்ற 

சிங்களத்தின் நாடகம் 

சிங்களம்

பேச்சுவார்த்தையிலோ

விசாரணை குழு அமைப்பதுலோ

பின்னிற்பதில்லை

இதுவரை 

இவற்றால் 

எந்தப்பலனும் கிடைத்ததில்லை 

வரலாறு சொல்லி அழுகிறது 

ஏமாறுவோர் இருக்கும் வரை

ஏமாற்றுவோர் உயிர் வாழ்வார்

வருமுன் காப்போம்  

                                                    -செல்வி-

ஐயோ ! இன்று நாம் அடிமைகள்

இடர் சுமந்து இடம்பெயர்ந்த

அந்த கொடிய நாட்கள்
உயிரை கையில் பிடித்த வாழ்வு
உயிர் குடித்த பின்னும் ஓயவில்லை

சொந்த நிலத்தில்
இந்தக்கொடுமை
யாருக்கும் வரவேண்டாம்
காவிய சொத்துக்களையும்,
உயிர்களையும்
சிங்களத்திற்கு பலிகொடுத்தோம்
ஐயோ ! இன்று நாம் அடிமைகள்

                                                   -செல்வி-